| Profil de Yoko♡Yoko`s sky♡PhotosBlogListes |  Outils  Aide |
|
06/09/2006 ^_^南昆山^_^暑假就来结束嘅时候，去左南昆山避暑，果度都几清净嘅，人都唔多件，晚上仲颇凉爽添～ 不过讲到旅游景点，其实真系无咩特别，D好大名鼎鼎嘅瀑布，其实真系好细好细～行餐死就系睇果DD嘢～～仲要闪闪避避D野鸡野狗～果度如果唔系自驾车的话就千祈唔好去啦，事关每个景点相隔甚远，少至2KM，多至10几KM，真系行都行死人～仲有果度D摩的司机大佬简直好似只狼咁贪钱咁市侩～成日狮子开大口去呃人钱，人被困山中，想走的话晤搭又唔得，简直救命啊！！！我地要落山竟然话要收几十蚊一个人，变态嘎～～发觉果度嘅人唔似一般嘅近郊乡村农民咁朴素，反而系样样斤斤计较，唔系一个两个系咁，细至啊婶，大至餐馆老板，司机，全部都系咁～我地住嘅地方系一间家庭式旅馆，系讲价之下房租平左15蚊比我地，竟然住落就限制我地开冷气嘅时间，真系无良啊～～未训醒就比人关左冷气制，等我地自然热醒，真系变态啊...呜呜～再讲农家菜，也唔见得特别好味，价钱一般，我就宁愿系广州慢慢叹～ 总之敬告各位背包一族千祈唔好去南昆山玩啊～稳笨嘎～～ 发泄完一肚怨气，上几张相～～好彩，地方唔好玩，我地嘅好心情搭救，总算系一次难得嘅旅行，可以安安静静过翻几日，呢样就系最大嘅享受同所得^_^
03/09/2006 另起一个巢穴啊～～哇哈哈就系呢度啦～～咔咔～～～～！！原因系屋企上space好慢，搞到我梳于更新～～～～不过好似翻到来学校呢边又快翻好多咁喔，搞到我都唔知点办好，唯有两边都搞住先啦～～～又开学啦，感觉好似好忙咁。。。。。。。忙碌，茫然？ 18/07/2006 淘宝小店最近开张啦～！！！好耐未上过来啦，原因系呢度慢，拿拿拿～唔系因为我懒啊～～
最重要嘅系我好比心机搞紧我同兽猪嘅淘宝小店咋～～琴日岩岩卖左四件货～升左做一心卖家～
超级开心～嘻嘻^_^
大家记得来多多帮衬啊～～！！咔咔
好啦洗白白噜～～嘻嘻 22/05/2006 我嘅兼职^_^ 呢个礼拜六日好鬼充实啊～去左中海地产公司嘅豪宅盘做小兼职～嘻嘻～一个小小嘅销售助理～不过超级辛苦～咁大个女都未着过咁高嘅高跟鞋～点知呢两日一着就要企足十个钟～除左食饭嘅半个钟～就一直系咁企～～呜呜～～惨惨啊～～不过公司有一套好靓嘅套装～黑色暗纹细裤加女式西装衫～个样好pro嘎～咔咔
我负责系样板房入面做销售助理，都系用把口多～最好嘅系晤使晒太阳，又有冷气，都算好舒服～发觉广州实在太多有钱人啦～～有D系传说中嘅阔太，大摇大摆拿左lv袋，手度带住劲闪嘅钻表～成身名牌～有D三口之家就真系好幸福～太太大肚，个先生就带距来睇楼，两个系间示范间嘅BB房度计划以后D床仔点办，BB嘅柜仔点放～～哇～幸福到晕啊～！！！有D粗鲁嘅暴发户～以为自己好似大晒咁，讲野又大大声，又要人跟出跟入～总之真系咩人都有～～最开心嘅系琴晚只猪等埋我一齐翻学，神奇嘅系～距突然变得好细心喔，买左足部舒缓喷雾同足部按摩啫里比我～嘻嘻～我都唔知有D咁嘅嘢嘅～好感动啊～～嘻嘻～！喷喷有真系舒服左咁啵～～
今日我只脚有D好累～咔咔，咁节马经就可以乘机～～咔咔～逃之夭夭啦～～哇哈哈～
我要快D存够钱～～～！！加油～～～～
14/05/2006 最近大家好吗？^_^ 今日系母亲节啊～～妈妈节快乐啊～～^_^ 最近大家都好吗？拿～拿～拿～唔系我懒唔更新啊，唔系我懒唔去你地度踩场啊～～系学校嘅衰网成日都上唔到space咋～～甘耐无写嘢，原本真系有好多嘢想up嘅，不过又唔知由边度讲起，又唔知点讲喔，你地知啦，我文笔唔好吖嘛～嘻嘻～^_^讲翻五一，去左一转增城嘅白水寨，感觉唔错嘎，值得一去～～果度有个特色就系有9999级天梯，不过我同妈咪上到1099级就放弃啦～沿途都可以见到好高嘅瀑布，不过D木板路会比较危险，尤其系我去果日落雨，落雨有种好独特嘅感觉，就系好似云中雾山咁啦～大家去嘅话记得小心啊。
 |
|||
|
|
